قصة شاب راح يخطب بنت بس اهلهة مقبلو بي شوفو شسوه

احب احجيلكم قصة ولد حب بنت بس من راح يخطبه من اهلهة مقبلو بي قصة حقيقية
ثالثاً : اتركم مع القصة بس تره راح اكتب بالعامية ما اكتب بالفصحة



بدت قصة الحب بجامعة بغداد

الولد ايداوم بجامعة بغداد قسم تاريخ والبنية هم قسم تاريخ

بس الولد جان بيتهم بغداد والبنية بينهم بالبصرة شاءت الصدف انو الولد شاف هاي البنية انعجب بيه فراح يتعرف عليه فمرت ايام وهمة واحد ايشوف الثاني وطورت العلاقة صار بيه نوع من الحب من الطرفين , بعد ان صار اكو حب من الطرفين النية كالت الحبيبة اذا انت اتحبني واني احبك ليش متجي تتقدم الاهلي مو احسن , الولد مكال شي وافق على الفكرة واخذ اهلة وراحو وين راحو للبصرة اخذ امه وابو وراحو البيت البنية فدخلو عليهم وكعدو عدهم وكالوهم احنه اليوم جاين نخطب بتكم الابنه , فاام البنية وافقت بس ابوه كاله انت شتشتغل كاله اني بعدني طالب انشاء الله من اتخرج اصير مدرس وانشاء الله ايصير عندي وضيفة وانشاء الله الكالي شغلة ابو البنية معجبتة هاي السالفة كال زين من تزوج بنتي وين راح اتعيشهة كله هسة نكعد بيت اهلي الحد ما اتعيين واطلع واشتري بيت ونكعد بي اني وبنتك , ابوه موافق عليه كله من اتصير موظف وتشتغل يلة تجي على بنتي . الولد كلة زين هسة بس خطوبة ابوه ماكو قفل كلة ماكو لا خطوبة ولا زواج اله اتسوي الي كتلك عليه

ورجعو للبيت خطية الولد ضايج روحه طالعة
ثاني يوم راح للجامعة فشاف ولد جماعته وحجالهم على الي صار فواحد من جماعته كلي اني عندي حل كلة شنو يمعود انقذني كلة اني اعرف وحدة اتسوي سحر اتروحله وكلهة بحالتك وهية اتخلي ابوه غصباً عليه ايوافق لو راح وهدومك مشككه الولد كيف كلة وين صايرة دلا عليه وراحلة الولد
الهاية السحارة وكلهة على شغلته كلته سهلة , طلعت ورقة بيضة وكامت تكتب بيه خلصت طبكت الورقة وكالته هاي الورقة لا انت تكدر تقراه ولا اي واحد وكالته بس اذا حسيت روحك راح اتموت يلة تكدر تقرة شنو مكتوب بالورقة كالهة هسة من اروح اخطب البنية ابوه يوافق كالته روح ومعليك
والله ولد كيف وراح على اهلة كالهم خلي انروح نخطب البنية كالولة شنو لكيت تعيين وشتغلت وراح اجيب بيت للبنية مثل ما راد ابوه , كالهم معليكم بس امشو خلي انروح والله راحو اول ما طبو للبيت ابوه البنية رحب بيهم وسلم على الولد وجان فرحان حيل كالولة انت تعرف عليمن جاين كال اكيد كال هاية بنتي كدامكم اخذوه روحو كالوة انت مو كلت اله يجيب بيت وتصير حالة زينة يلة كالهم الله كريم
والله خطبه للبنية ومرت ايام وتزوجو وجابو جهال والحمد لله

يوم من الايام رجع الاب من الشغل للبيت فنزع اهدومه وذبهن وطب يسبح فجتي المرة اتريد تغسل الملابس لكت ورقة هية نفس الورقة الي كتبته السحارة للولد فقرة الورقة وراحت الزوجه كالته هسة اطلكني وبعد ما اريد اشوفك بالبيت كاله شكو شمرت الورقة عليه وراحت وهو ميكدر يقرة الورقة اله يحس بروحه راح ايموت يلة راح على اهل المرة كالهم يمعودين متكلولي اشبيه
ابوه كاله بلة انطني الورقة خلي اشوف شمكتوب بيه فقرة الورقة قراهة وشمرة بوجهي كلة هسة اطلك بنتي وبعد متفوت بيتنه . اتخبل الولد راح على ابو كلة بالسالفة ابو كلة انطني الورقة خلي اشوف اشبيه الولد خاف كلة انوب انته هم اتصير مثلهم كله اني شعليه بيهم كلة اني ابوك قابل واحد غريب والله اخذ الورقة وقراه هم شمره بوجه كلة روح انت لاابني ولا اعرفك وطردة من البيت
الولد اتخبل راح للشغل مالته فمن ايخلص الشغل كام ميروح للبيت ايضل كاعد الوحدة ويبجي ابو الشغل مالته شافة سئل العمال كالهم شبي هذا الولد كالولة هيج وهيج السالفة كالللهم صيحو
اجه الولد سئله كله اشبيك ابني ليش ضايج كاله بالسالفة كاله بلة انطني الورقة خلي اشوف شمكتوب بيه كله اخاف انت هم تطردني ابو الشغل كلي عمي اعرفك تعرفني من بقيت اهلك اني كله شعلية بيك كله زين هاك هاية الورقة قرة الورقة شمره بوجه كلي امشي بعد ما اريد اشوفك وجهك بالمنطقة كله راح الولد خطية انوب ضل ايدور على شغل حته ايعيش فراح اشتغل ويه واحد عندة قارب يعني صياد سمك فكام يطلع ويا بالقارب ويوم من الايام ابو القارب شاف الولد ضايج كله بابة شبيك كاله هيج وهيج كاله الله ايساعدك بلة انطني الورقة خلي اشوف شمكتوب بيه كله عمي عوفني انوب حته انت هم تطردني كلة عمي اني رجال جبير وما اعرفك شعندي وياك انطني خلي اشوفو شنو مكتوب بالورقة والله اخذ الورقة وقراها انطاها للولد وخلاهه بجيبه وشمرة من القارب للبحر انوب هو ميعرف يسبح راد يغرك والله اجتي الناس وطلعته من البحر حس ابروحة راح ايموت كال هو اني راح اموت خلي اشوف شمكتوب بالورقة طلع الورقة راد يقراها
^
^
^
^

نزلو اشوية بعد







طلع الحبر ممسوح والكتبة ممسوحة



انشاء الله عجبتكم القصة ادري بيه مؤثر حيل بس شنسوي

تسلم على القصة الرائعة بس اريد اعرف شمكتوب بالورقة هههههههههههههههههههههههههههههههه



تقبل مروري
تحياتي
الوردة البيضاء