ماجينة يا ماجينة

السلام عليكم
بما انه احنة بشهر رمضان المبارك
اقدملكم الشعر الشعبي القديم اللي جانوا الاطفال يرددوهة بعد الفطور بالمناطق الشعبية

{}{ماجينه ياماجينه}{}

حِلْ الچيس وانطينه
انطينه احلى الأوطانْ
بيت ومرجوحه وبستانْ
ويّه الگمر لعبينهْ
وانطينه اطيب جيرانْ
انصافيه وايصافينهْ
وخلّينه انعيش بأمانْ
بحريّه وطمأنينهْ
ماجينه ياماجينه

ماجينه ياماجينه
حِلْ الچيس وانطينه
سلم وصداقه لبغدادْ
فرحه للعراقيينْ
ولكل الناس الطيبينْ
أيام اعراس واعيادْ
خل يفرح كل اب حزينْ
وما اتظل الاُم حزينهْ
وللغربه لاتودينهْ
ويّه الأهل عَيْشينهْ
ماجينه ياماجينه

ماجينه ياماجينه
حِلْ الچيس وانطينه
انطينه حب كل الناسْ
ورده انخليهه عَالراسْ
وشموع انضوّيْ بيههْ
وبمي دجله انخليههْ
اتلوّن نهر الحياة ْ
اتضوي لشعب الفراتْ
ولكل شعب ايخاوينهْ
نهدي شمعة ، ويهدينه
جوريّة مو سچّينه
ماجينه ياماجينهْ

تحياتي للجمـيع

ورمــضان مبارـرـرك

:D

حيل شكد قيمة وين لكيتهة بس حلوة تسلم الايادي

اي والله كـلش قديمه بس احلى شي الاشياء القديمه واحد يذكرها

تحياتي لكي وشكرـرـرا على المروـر

نورتي بالرد الجمـيل