ماتستاهل ابجيلك حرامات

ماتستاهل ابچيلك حرامات
ولاتاخذ بعد من عيني دمعه

چنت ازرع ورد بس هسه مجبور
حته الباقي منهن راح أشلعه

أيس مابقتلك يمي اسرار
وحته اليدگ باب الروح ادفعه

بقى يمي الشمع بس ذوبه الليل
وانه متاني الصبح يطلع واشيعه

عرفتك ثوب بس ماتستر العيب
المايرهم علي مجبور انزعه

چنت اخجل واعبرلک حچي هواي
واعرف بي چذب بس گلت اسمعه

وهسه أتگطعت وياك الدروب
وبقه درب الخجل بلساني اگطعه

كرهتك كثر ماودعت الشموع
شمعه بعيني تحله وتطفه شمعه

چنت كبر الجرح شايل معاناة
وصدگ چان الگلب من ينعه ينعه

چن داخل حسن لو طلعت الاخ
وتطلع روحي الك وتردهه فدعه

حسبّتك رقم من لمعة البيك
وين ادري الصفر هم ينطي لمعه؟؟

وين ادري الغصن بيه يركض الموت
وعلى عش المحنه يودي الافعه

باچر راح اچفن كل الجروح
ونعش الذكريات براسي اشيعه

وباچر راح اهدّم بيت الدموع
وابني من الفرح بعيوني قلعه

وتذبل شفتّك وترد الي زحوف
وانه بچفي النهر وبكيفي اگطعه

وأگلك كلشي مات اللهفه والشوك
محال اليندفن تگدرترجعه

وسود تصير كلهه ايامك البيض
وينذل خاطرك ويعض اصبعه

مثل ماجرعتني بكاسك الموت
كاس الذل شرط باچر تجرعه
كاس الذل شرط باچر تجرعه

يسلمووووووو يادموع شنو هل الابداعات بل الشعر عاشت ايدك
تقبلي مروري
عاشق كاظم الساهر

شكرا على مرورك و الكلام الحلوووو :oops:

flower

عاشق كاظم الساهر flower

شكرااااااااا لكي دموع على الكلام الراقي والجميل تسلمين يا حلوة الحلووووووووات

اني حلوه لان عيونك اتجنن حبيبي انتي

شكرا على مرورك منوررررررررررررررررره بنوته