اروع الابوذيات

صفه لغيري زمنة ..ما صفنه
ومايك دومة خابط ..ما صفنه
رغم يسبي جمالك ..ما صفنه
صفنة عله الشفايف جه بليه

كبل ما يون كلبك ..ونته بيه
شلون تريد اعوفك ..ونته بيه
ولك كلبي انت امه ..وانته بيه
ويتيم يصير اذا رحت من اديه

شربت الجاي مرمر ..بستكانه
ولا ظليت كاعد ..بستكانه
سبع بوسات يسمر ..بستك انه
ولا اشبع اذا اوصل الميه

مثل لوياى ماضنن بشر لاى
ومزن دنياى بس تمطر بشر لاى
ابمصابى مافزع وسعف بشر لاى
ملك الموت اجه فزاع اليه
اعيوني لشوفتك ركضن وجداً
واريدك مو لعب فعلاً وجداً
وانه اهـــواك عن اباً وجداً
واحبك من عصور الجاهليـه
تظن نفسك تضرنا....من تضر من
وعلى طلعة جيوشك.... منتظر من
تسأل وانه اجاوب.... منتظر من؟
نموذج من شعب كله حميه
ماله البخت مايل مال حظنه
وفرح مرة ابدربنه مالحظنه
الولف مو مال اعوفه مال احظنه
وأبوسه ابشفته لو صح أباديه
^^^^^^^^^^^^^^^^^^^^^^^^^^^^^^^^
الدمع نهران من العين ينساب
طريح اولا صفالي الوكت ينساب
اليسب الناس لابد يوم ينساب
ويظل مكروه مابين البريه
^^^^^^^^^^^^^^^^^^^^^^^^^^^^^^^^
جنت لابس فرح ياكلب شعراك
وكمت تكتب بطور الحزن شعراك
امس سبوره ياهراس شعراك
وصرت مرمى الطباشير المنيه
^^^^^^^^^^^^^^^^^^^^^^^^^^^^^^
برخص سود النوايب عاملني
وعمايل سود بيه عامل أني
عكب ما جنت سيد عامي لني
ابهواك اوشورت بجفاك بيه

دمعي عليك فايض وين أكته
وتطيح دموم منه وي نكته
أناشد دوم واسأل وينك أنته
تعال الفاتحه أقراهه عليه
كظيت سنين عمرك ظالمني
وانه عقلي بصدودك ظال مني
تكلي شظال منك وظال مني
فقط مجرى النفس تلكاه بيه
.
عشرتك سودة لكن ماطلتني
ولو بجفوف غيرك ما طلتني
اجفوفك جي كَصيرة ماطلتني
كَصير انته وكَلت حامض عليه
.
اخذ مرسال من كَلبي ورد لك
تشوف بكل حرف يطلع ورد الك
شنو اكتب حتى اوفيلك وارد لك
واسمعنك شعر وترد عليه
جـذب جفـي بعـدكم يـومي لأحد
وهواكم وينة حدة يو مالة حد
أنة لـو ما اجيـكم يوم الاحد
الأثنين أمن الصبح لطمو علية
تضل تبجي لون تسمع معاناي
وغنة لو سولفت همي مع ناي
المصايب ترجمـن بية معاني
كلمن فكر ياخـذ درس بيــة

وحـك التحكـم الـوادم بعدلا
الكلب مثل النجم عنك بعد لا
مـد ايـدك ودورنـي.. بعد لا
تجد ذرة محنة اِعليـك بيــة
انة لمايوم هيـم الظيم بجا
وانة لبس خوف رب الناس بجا
ألهج بـ لعجل بـ لعد بـ جا
عراقي وشاده العالم عليـة
احب مجنون لو كلك وعرباك
كرد ما تلحك اوصافك وعرباك
افصلك بالشعر جمله واعرباك
واتبعك بالعطف غصبن عليه
اضيفت بواسطة:حسين الركابي | البريد الالكتروني: لا يوجد

العتب ما ينفع بوشرك ولاساف ... {أي مع الاسف }
ولساني ماغلط مثلك ولا ساف .. {أي سف،مشى في الغلط}
تضن عالي وشوفنك ولا ساف ..؟؟؟ { أي ساف البناء }
اقل من اثر شاة اعلة الوطية ....!!!!!!!
**********
مهجتي اسهام هجرانك ولنهه {أي تولن عليها }
وصفت تحرج بيابسهه ولنهه
ابشرك كَمت لا امر ولنهه
الحجي المرتي وانه الطاعة علية ....؟؟؟؟؟
**********
الكَلب صد وانضر وانجر الهه.. {أي انجرلها}
وذب اشراع يمهه وانجر الهه ..!!! {أي انكَرالسفينه }
ها ك الضلع كَصه وانجرالهه .؟؟؟؟
سكملي وطاوله ودهن هدية ....؟؟؟؟!!!
**********
كَبل متصير بيضه وجنت مح بس..؟؟؟ {أي فقط مح البيضة}
صغتلك روحي انه صياغ محبس..!!!
ابطن امك وانضرك وانت محبس...؟؟؟ {أي محبوس }
التسع تشهر قرن صارن علية...!!!!!!!!!!
**********
العليا غير اهلهه من علاها .؟؟؟ {أي الفرس }
وروحي ايخسه الكَلك منّ علاها ..؟؟؟!!! {أي منّ عليها}
بعون الله نخلتي من علاها ..؟؟؟
يراموها بحجر وضل صخية ..!!!
**********
اعضاي منين ما ترتاج تلام ...!!!! {أي تؤلم}
وعليّ وكت المنام هموم تلام ...؟؟؟ {أي تلتم }
المثل روحي غلط ياناس تلام ..؟؟؟؟؟
لأنهه مفارجه البيهم حمية ...؟؟؟؟؟؟؟؟

انه بروحي مرارة علج بستك
ترد روحي لون بشفاك بستك
والك طار الكلب بجناح بس تك
كسر جنحة الهوة ومارد الية

يهل روحك على الطيبات تربه
وعلى دربك تظل العين تربه
يريت اكعد على مصلاك تربه
وابوسك من تحط وجهك عليه
زنجيل ابوذيه :: حب من اول نظرة
------------------------
السلام عليكم
ارجو ان يعجبكم هذا للزنجيل
-------------------
گلبي بنضرة منچ هام عذري
و عشگ عشگچ عشگ عشاگ عذري
ماگولن احبچ هذا عذري
و اجي بكل يوم يم دارج و امرهه
و عشگت الحلو بعشرتنه و مرهه
خطية الروح حيرانه و امره
صفه بأيدچ دشوفي شلون حالي
علية الضيم بس لايگ و حالي
القهر ماضي البشر كلهه و حالي
فقط وياي شو صاير و حاضر
و صرت استاذ باحزاني و احاضر
على استعداد دوم ابقى وحاضر
انفذ كل طلب منچ باشاره
يهالوجهچ سمح كله بشاره
اجيتي من السما انتي بشاره
و جبتيلي الفرح كلة و خيره
بغيابچ روحي مغلوبه و اخيره
سحر سويت انا لاجلچ و خيرة
تشوف شينفع بحبچ وسيلة
و يفيد اهمل دمع عيني و اسيلة
اناشد هالگلب صدگي و اسيله

غيرچ بيه احد منتسبله ؟
و يحب روحچ تمدحه و من تسبله
سألني الگلب تدري من تسبلة
شعرهه شلون چنه بليل حالك
و اريد انشد عن اخبارك و حالك
دگلي بحبهه انت احد وحالك
لو گلي محبتك هاي فطره
و تعال و شوف گلبي شوسع فطره
صايم بالحزن ما شاف فطره
و مرض و انت محبتك مرهم النه
و جفاك الروح صدگ مرهم لنه
حبيبي شبيك تجفي مر هملنه
عليك عيون مو دمعه و اعدي
و بعد ما ينفع حسابي و عدي
عندي اصحاب بالجملة و عندي
فقط محبوب انت و گلبي مالك
و تناشدني و تگلي شبيك مالك ؟
احاچي الكون كله لساني ما لك
و يم روحك تلكأ خاف منهه
و محبتك ما عرفنه الخافي منهه
منه صغيرة عندي خاف امنهه
عليك و ما تحب المنه بينه
و لا نرضه نزعل المنه بينه
الوصايا انت تعرفهه المن نبينه
لو رايد اعلمك و افهمنك
يلي برقتك ماكو و افهه منك
اذا انت تگول فاهم و افهم انك
فهمت المسأله شمالك يخلي
چفك بالگلب خنجر يخلي
و يشوف جروح البگلبي و يخلي
بجروحه و حسرته و خنجر ترك بي
و چفوفك اجت و بزايد ترك بي
ولك حبنه فرع واحد ترك بي
يأما ان تتركه و ان تحله
و يأما ان تشده و ان تحله
طفل عريان گلبي و انت حله
تعال ارجوك وك استر عورته
و تذكر شون بغيابك عورته
ولك عينين چانتله و عورته

لمن رحت و تركته و صار عامي
و الك مخصوص چان و صار عامي
وك مو عام واحد صار عامي
صار اعوام نار و انت جنه
و سكن جني بدليلي و انت جنه
دخيلك دحچي يسمر و انتجنه
شهد صافي و اظن حچيك شهد بي
و تريد اترك و اهد حبك شهد بي
اذا گلبك اقر ليه و شهد بي
حبي شلون هسه تريد اهمله
و انا الدمعي فقط لجلك اهمله
چنت يا ناس بالشدات اهمله
و من طحت بشدايد مره شدهه
لحد مالروح شطت من رشدهه
احل مرة محبته و مرة اشدهه
و مرة اندم على اللجله ضحيته
و احس الروح شو چنهه ضحيته
سوة صارت مسيته وي ضحيته
و سواد الدنيا بعيوني تراكم
و بعد العيون ما تگدر تراكم
لان صار الرمد بيهه ترا كم
و اناشد يمته تشفه من رمدهه
و اجر بالونة مرة و مرة امدهه
اجو عذال بعدك مرم ادهه
من أي عاذل بهذا الكون كله
يالمنك نسجت بگلبي كله
تريد اترك و ابطل شوگ كلا
اظل للموت احبك وك هويتك
و دليلي بنار ما اهوي هويتك
صدگ يفلان ما اعرف هويتك
و لكنك صرت لية هويه
.....................


شريط الشوك بالدلال سطرة
وكلامك لو تريد اوياي سطرة
سطرت الروح من فركاك سطرة
لحد الآن ظل يغمة علية
اضيفت بواسطة:عامر الفرطوسي | البريد الالكتروني: لا يوجد

السلام عليكم
شلونكم
يارب زينين
زنجيل ابوذيهمن كتاباتي
بعد لتثير حبك ماتهمنه
وبعد منهو بغرامك ماتهمنه
واذا مره ضحكنه مات همنه
لان شفاف طبعي ماسه لوني
وانه السليت ربعي ماسلوني
صرت هسه بحياتك ماسلوني
بعد ماريد اعاتبكم ولاسن
جبل حبك طلع تله ولا سن
عفت قانون كل عشكك ولا سن
لان دستور طبعي منهج اني
وبعد بس الملامه منه جاني
ولا همني اليدردم من هجاني
شتظنه يروم وصلك من تعله
وبعد منريد وصله من تعله
شعلك ياطبيبي منته عله
وتجازيني بعد كلبي وتسله
وظل اللعب عله جروحي وتسله
وعليش تخاف جر سيفك تسله
واخذ روحي اسيره ياهوانه
وبعد منريد وصلك ياهوانه
اللاكيك وتكلي ياهو انه
ابن حجام اكلك ما تهمنه
اجمل تحياتي
وابلغ المنى

ورد قداح اهديلــــــــــك ..... وجوري
وريدن ضيمي احجيلك ......... وجوري
موجر والعشك كمـــــل ......... وجوري
وشبه بركان حبك صار بية

وك جرى ميك على ميي ولا زاد
سگيتك من دمع عيني ولا زاد
ملح الما غزر بعينك ولا زاد
طلع ساسك رمل وانهدم بيه
***************************
جدمي شله هجركـــ ماتخطه
وبكلبي سهم غدركـ ماتخطه
يدفان أعله الكبر اسمي ماتخطه
وادفني عدل شمتاني بيه
***************************
ولع تاب
كلبي اتولع بحبك...ولع تاب
واناطر منك امسامر..ولعتاب
على بابك وكفت انة ..والعتاب
اكلك ليش؟واتكلي اشبدية