جتني رسالة من صدى خافق الروح

––––•(-•جتني رسالتها •-)•––––

جتني رسالة من صدى خافق الروح
وقريتها بإحساس قلبـي وروحـي

قريتها وإنهدّت قصور وصـروح
وأنا من أول عالياتـن صروحـي

تشكي تقول القلب يا حمود مجروح
ما تدري إني غايراتـن جروحـي

تهلّ دمع وترفع الصـوت بالنـوح
واللـي فقـد غاليـه لازم ينوحـي

ما كلّمتني يمكن الصوت مبحـوح
من النوح وإلا ما استطاعت تبوحي

جتني رسالتها بها دموع وجـروح
وإنهَد بأسباب الرسالـة طموحـي

تقول ياحمود الزمن صار مفضوح
والشيب فيني لـو تشوفـه يلوحـي

يا بو علي مالي بالأغراب مصلوح
مادام قلب اللـي نحبـه شحوحـي

ودّي بشوفك دام الأعمار بفسـوح
قبل الرحم يا خوي منـا يروحـي

زلّ الزمان اللي به أفراح ومـزوح
أنخاك تكفـى لا تظنّـه مزوحـي

وبعد الرسالة صار بالقلب ذابـوح
طار المنام وصار فكري يشوحـي

أختي رسالتها لها القلـب مفتـوح
كلّي لها والقلب ينصـت ويوحـي

أقولها ودموع عينـي لهـا فـوح
وسط المحاجر دمع عيني يفوحـي

أجاوب الورقا على عالـي الـدّوح
وأنوح من فرقا الرفيق السموحـي

والله لو إني وسط الأطباق مذبـوح
لأظهر كما خطو الحصان الجموحي

وأقول يا عين المها ما بها شـروح
لو تطلبين الروح تفـداك روحـي

تحــياتيـ لكمـ

cheers

الله الله على الكلام الروعه

دومك مبدع بختيار المواضيع

تقبل مروري و تحياتي

تـــــــــسلمين وانتي ماكو اروع منج بالابداع

تسلمين على المروـر الجمــيل

وتحياتيـ لكـي