بوسة على الطاير

--------------------------------------

طبعا الموضوع حساس جدا وما اريد ردود مهاترات في مهاترات لانه اني
بجدول الضرب مو زين وما اعرف مهاترات في مهاترات شكد يساوي

طبعا الموضوع من اسمه بيه بوسه لهذا ارجوا كل عضو او عضوه
بعده تحت سن 13 مايقره الموضوع الا بعد ان يتلفت يمنه ويسره
اخاف بابا او ماما يمك وياحبذا تاخذ الكوبيوتر مالتك فوك بالسطح
وره التانكي تقره الموضوع يعني امان اكثر واذا تريد امان اكثر
اتصل بوزارة الداخليه العراقيه ووزارة الدفاع العراقيه شلون امن
راح توفر الك يخبل

فاصل اعلاني وندخل بصلب الموضوع

سيدتي لجمال بشرتك ونظراته اغسلي ولج اغسلي شمالج ماتغسلين
مره بالشهر على الاقل مو الريحه وصلت لابو موزه
انتهى الاعلان(هذا اعلان بالشروكي)

الموضوع

ما اعرف ليش الزوج العراقي مو مثل الزوج الاوربي يعني الزوج الاوربي
اذا يرجع من الدوام مالته ويفوت للبيت اول شئ يسويه يبوس زوجته ويكلها
هاي لوف ومن يطلع للشغل هم يبوس زوجته ويكلها سي يو احنا الزوج العراقي
اول مايفوت للبيت يشوف زوجته يكلها اها شنو طابخه اليوم ولج وياويلها اذا
كالت طابخه يابسه وتمن راح يكلها تره اركعج نعال الضربه يطلعوها بالاخبار
عاجل عاجل عاجل

يعني ما اعرف ليش الزوج العراقي ماعنده هاي الخاصيه مايبوسها على الطاير
من يرجع او من يطلع هسه عدكم ام ستار الله يذكرها بالخير امريه ام بيت دره
مال الله اقتصاديه يعني اذا تذبح طلي اللحم تقسمه تسويه كفته وكباب وبورك وكبه
وتشريب والراس مال الطلي تسوي باجه والصوف تسويه غلاف مال مخدات والجهاز
التناسلي مال الطلي تسويه كنتاكي والليه مال
الطلي اطلع منها الدهن المبايض مال الطلي تسويها بتتزا هوت كلشي بالطلي تفصخه
تفصيخ(اي ادري طلي لو لوري)
وتسويه شغله حتى الصوت مال الطلي تسويه نغمه مال موبايل يعني ام بيت
روعه بس خطيه طك عليها عبوه ناسفه نوع علج بوبي وخطيه طفر اضفرها مال ايدها
اليمنه وراحت للطبيب يسوي اضافرها كالها الطبيب ماعدنه اضافر بشريه عندي
اضافر مال جلب اذا تردين اركبها الج كالت دكتور ينصبغن اضافر الجلب بصبغ الاضافر
كالها اي طبعا وتطلع تخبل جان تطول لعد ميخالف ركبها لانه عرس ابن اخويه سعودي
بعد كم يوم واريد اروح للعرس واصبغ اضافري حتى احرك قلب النساوين العوبات


المهم هاي ام ستار رغم انها ام بيت رائعه الحقير زوجها بدل مايبوسها على الطاير
بالعكس يضربها ويشتمها
شنو يصربني ويشتمني وميداريني وتاليها يجيني يكلي غرائزنه
الحيوانيه مالها دخل شلون زوج نذل والله لو اشوفه والزمه فد يوم ويوكع بيده
هذا الزوج اول ما اشوفه اكله شلون تاخذ حقوقك الزوجيه اشرحلي واني شعليه
يضربها يبسطها ينعل والديها اني شعليه ما احب ادخل بالخصوصيات



تره اي مزوجه تكول كلمه حلوه من زوجي تسوه الدنيا هاي مره سألت ام سعدون
كتله شنو الي يفرحج كالت من اسمع كلمه حلوه من ابو سعدون اطير بالسماء
مثل الاباتشي من الفرح كتلها ليش كالت مو الكلام الحلو يدغدغ مشاعري مو تعرف
اني ام سعدون انثى معليك بخشمي المكروض وحلكي العوج والرعشه الي بيدي
واعرج من امشي وعندي حول وماي ابيض بعيوني وشعري ابيض معليك بكل هاي
المعوقات بس ابقى انثى واحتاج كلام ناعم من زوجي وغزل وياريت ياريت صارت
امنيتي ابو سعدون قبل مايطلع للدوام يكرصني كرصه مال حرشه ويبتسم ويطلع
بس مايكرصني كرصه مال حرشه من اسئله اكله ليش ماتكرصني يكلي اخاف
من الجرب اخاف تعديني علما اني كتله اكرصني وانت لابس جفوف طبيه وبعدين
اغسل ايدك بالديتول بس مايسويها وابد لا يبوسني على الطاير ولا يكرصني كرصه
مال حرشه يعني حياتنه الزوجيه روتين يكتل ماكو دغدغه للمشاعر الزوجيه


يعني يامزوجين حاولوا ادغدغون مشاعر زوجاتكم تره خطيه يعني بوسه
على الطاير كرصه خفيفه مال حرشه كلام حلو غزل همسات بس مو همسات
مال فاصوليه لا همسات حب حسسها انها انثى ولك والله تتقشمر بسرعه الزوجه
بالكلام الحلو
اني بالنسبة الية الا اعيشها برومانسية 24 ساعة
يعني كل مااباع عليها
الكاها داخل نطاق الخدمة
يلا روحوا خلص الموضوع