اسلوب البنات بالماسنجر || لا يزعلون البنات

السلامـ عليكم

طبعا ارحب بكل مشارك في الموضوع

واتمنى انو البنات ميزعلون مني :shock:


واتمنى ان تعجبكمـ :lol:


تعالو اسولفلكم هاع هاع ههههههههه


أسلوب البنات بالماسنجر



العاقله!!
لما تفتح ماسنجرها متحجي ويه احد.. تنتظر الكل يرحب بيها وهي تبتسم وتكول شكرا..
واذا احد ارسل الها فايل او رابط اغنية حطتله علامة استفهام وتسكت نص ساعه ماتكلمه..
ولما تكون متحمسه بالكلام.. تكتب كل كلمة بسطر وتضغط انتر.. تخاف من الاخطاء الاملائيه.
وضحكتها عبارة عن ابتسامه واذا كانت كلش فرحانة تحط 3ابتسامات.




المصلحجية!!
ماتسلم عليك الا مرة بالشهر.. تدخل عليك فجأه وتحطلك ورده.. مع انها كل يوم متواجده وساكته..
وتستخدم مشغول او بالخارج.. واذا احتاجت مساعدة تجيك وتسلم عليك وتكول وينك من زمان ماشفتك؟ شدعوه عيني ماتسأل عليه؟
تره اختي كل يوم تفتح ماسنجري واوصيها تبلغك السلام لاني مشغووولة كلش بالدراسة.. وبعد ماتخلص مصلحتها تكولك عن اذنك اروح اكمل دراستي واختي تكعد مكاني لتحجي وياها بليز




الرسميـة!!
ترتب المجموعات الى قسم العائله و قسم الزملاء فقط.. طبعا ماكو قسم اصدقاء.. واغلب كلامها مثل.. احترم نفسك..
رجاءا هاذي امور خاصة بيه.. ولما تسالها شخبارج؟ ترد اني بخير وتسكت.. واذا سلمت عليها ترد وعليكم السلام وتسكت..
ولما تنطيها اهداء تكولك شمعنا اني بالذات؟؟ . واغلب وقتها تقرا مواضيع بالمنتديات
بقسم الرأي الاخر.. وتعشق برنامج الاتجاه المعاكس.



المحششه!!
هاذي كل سوالفها ضحك.. وكل شويه تكتب نكته وتضحك لحالها.. وضحكتها طويله تقريبا 3 سطور..
واغلب كلامها بالصور.. تستخدم كل صور الماسنجر وغلطاتها الاملائية كثيرة.. وتجمع عدة اشخاص بصفحة وحده.. وتتكلم عن 3 مواضيع بوقت واحد..
وكل شويه تغير الصورة الجانبيه.. واللنك.. ولون الخط




ام بطـــن!!
طباخة ممتازة وتحب تسولف عن الاكل.. ودائما جوعانه.. ونقطة ضعفها الجالكسي جواهر والاندومي.. وقبل موعد العشا بساعه يكون مزاجها متعكر ودايخه و تسولف من غير نفس..
ولما يصيحوها للعشا تقفل الماسنجر بسرعة البرق.. وعادة يكون لنكها فراولة او شوكولاته أنيقة او رمانه مخصرة..
ودائما تتكلم عن تجاربها الفاشلة بالريجيم هع.. مستحيل تشوفها بالنهار لان الجو حار.. اوقاتها من العصر و فوك.
دمها خفيف ومرهفة المشاعر وأقل موقف ممكن يبجيها.




البريئــة!!
عمرها يكبر وعقلها مايتغير.. بعدها طفله وعلى نياتها.. تثق بكل الناس وبسرعة تتأثر.. وكل يوم تسألك شكد عمرك؟
تعشق سبيس تون وبينك بانثر و تحب تسولف عن الأزياء والتسريحات.. تتواجد العصر و المغرب لانه تنام من وقت.. ماعدا يوم الخميس طبعا هع
شعارها الدنيا حلوة.. احيانا تجيك سكتة قلبية من غبائها ومع ذلك هيه الاولى عالمدرسه.. لو حجيتلها اسرارك تفضحك بكل المنتديات..
تخاف من الأرنب والقطه و أي شي يمشي على اربع ارجل.. حتى انت لو تمشي على اربع تخاف منك هع.




الشينـــة!!



تجي للماسنجر تتموع وتكول اسمي فلانه .. ودائما تنتقد و مايعجبها العجب.. واذا شافتك مشغول تشتمك وتتعارك وياك
واذا انطيتها وجه ترزلك يعني
تحتار شلون ترضيها.. تنطيها اغنية تكولك ما احب الاغاني.. تنطيها كارت معايدة تكولك اني مو قشمر كدامك.. تشبه السنفور الغضبان كلشي يضايقها وكلشي يزعلها..
تكره اليسا ونانسي .. ماتعرف تجامل وماتمدح الا نفسها.. دائما توصف نفسها بالجمال والرشاقه..
تختار اسماء مثل الدلوعة.. الفاتنة.. الماسة.. ألاميرة.. الى اخره


طبعا صراحتا اني صايره بيه ههههههههههههههههههههههههههه

لان ماكو ايميل ولد مابي بنات

وماكو ايميل بنيه مابي ولد هههههههههههههههههههه

يعني بين قوسين اني صايره بيه كومه ههههههههههه


تحياتي لكمـ

واتمنى محد يزعل مني

:oops:

ههههههههههههههههه

حبي اشكرك على هاي الطلعة

تحياتي لك

بس انته ماعندك ولا ايميل ابنيه ههههههه