العرس في العراق والعرس في لـــندن

العراق وعرس بريطانيا

العرس بالعراق

الصبح الولد ياخذون العريس للحمام يصلخوه وخمسه يليفون ظهره وعشره يغسلون شعره ومليون واحد يتفرجون عليه ويبقون بالحمام شهر يغسلون بيه ويرجعون الى وره لانه العريس من النوع المطكع والاملح والغامق الون ومقرمش البشره اما النسوان ياخذون العروسه الى الصالون يضربون شعرها اوتي لانه شعرها من نوع الشوكي المكفش الغير قابل للتسريح الا باستخدام اسحله دمار شامل
وبعدين يجبون العريس كما كان قبل ان يدخل الحمام يعني تعب على الفاضي يلبسوه القاط والرباط وبعد مايكمل اللبس نلقي نظره عليه ونكول والله بالجامه جان احلى واما العروسه يلبسوها الفستان الابيض والطرحه اما الطرحه من اشوفها اذكر ابو العربانه الي يبيع زلابيه ومغطيها بقماش ابيض خفيف حتى الذبان مايجي على الزلابيه اما العروسه مالتنا اصلا الذبان تكش نفسه منها ويزوع منها

المهم يجون المعازيم وشلون معازيم كل وحده جايبه جهالها وزعاطيطها تجرهم وراها وتصيح على اطفالها ولك ابن القندره السياره مو تعبر والثانيا تصيح ولج سعديه ماشفتي الربطه مالتي مو كصايبي وظفايري طلعن شلون فشله المهم يخلون المعازيم بالكوسترات والباصات ودك وهز ركبه ولكاع خالي للكاع اما العريس والعروسه يخلوهم بسياره وحدهم والحر كاتلهم ومايعرفون شنو السالفه واحد يسال الثاني شنو اكو عرس اليوم ومن تخلص الحفله يزفوهم الى غرفتهم

العرس البريطاني

طبعا صديقي اسمه اندي والي راح يزوجها اسمها هيذر طبعا هيذر حامل من اندي بالشهر الثالث وعدهم ولد وابنيه واحد 4 سنوات والاخر 2 سنه هم من اندي وهسه راح يزوجون بحيث اني استغربت وسئلت اندي اكولك اشو انت مستعجل على الزواج غير تسال عليها تعرف منو اهلها ابوها شنو يشتغل هي من يا عشيره اشو احنا بالعراق حتى على جيرانهم نسال جان يكول اندي لا مو الزواج استقرار واريد استقر واسوي عائله جاوبته تسوي عائله ولك انت عائله من كاعك المهم وصلنا الى الكنيسه طبعا المعازيم كل ترتيبات وهدوم كلاسيكيه وقبعات مو مثل هاي سعديه الي ادور على ربطتها خايفه لا يشفون قصايبها وظفايرها من الكبر لفها وره عقد القران العروس يبوس العروسه قبله رقيقه واني صرت حريقه من كاعي وبعدين يصبون الشمبانيا وجان يقدمولي كاس شمبانيا جان اصير عصبي كتله ولك اني من عائله محترمه شنو كاس شمبانيا اني اريد البطل كله مال الشمبانيا المهم وره ماتخلص الحفله العروسه تشمر باقه ورد خلفاها اي ابنيه وراها تلزمها يعني راح تزوج بالمره القادمه يعني هاي الحاله لو بالعراق والعروسه تشمر الباقه مال الورد النسوان تصير علها مكافخ وبالقنادر والكفخات كل وحده تريد هاي الباقه حتى الحجيه ام عباس الي زوجه مات قبل يومين بحادث سياره تتعارك على الباقه مال الورد مو مستعجله على الزواج ياعيني على الوفاء

اما النسوان ياخذون العروسه الى الصالون يضربون شعرها اوتي لانه شعرها من نوع الشوكي المكفش الغير قابل للتسريح الا باستخدام اسحله دمار شامل
ههههههههههههههههههههههههههههههههههههههههههههههههههههههههههههه

تسلم حبي ولق اتجنن هاع هاع اله خنفشاريه

تقبل مروـري على الموضوع

هههههههههههههههههههههه
لك انته الخنفشاري
حبيقي

هههههههههههههههههههههههههههههههههههههههههههههه
تموت ضحك تخبل
احلى شي هاي
والعروسه تشمر الباقه مال الورد النسوان تصير علها مكافخ وبالقنادر والكفخات كل وحده تريد هاي الباقه حتى الحجيه ام عباس الي زوجه مات قبل يومين بحادث سياره تتعارك على الباقه مال الورد مو مستعجله على الزواج ياعيني على الوفاء
ههههههههه تموت
مشكـــــــــور نور

شكرااااااااااا
لمروركي
عاشقه
frasha